ભક્ત મનરંજન

by પ્રેમાનંદ સ્વામી

ભક્ત મનરંજન પ્રેમાનંદ સ્વામી

પદ ૧૧૮૬ મું

ભક્ત મનરંજન ભૃકુટી ઘનશ્યામની,
કામિની જોઈને મત થાય ઘેલી;
ભૃકુટીને હેઠે ને નેત્રની ઉપરે,
રેખા ઊઠે અતિ રસ ભરેલી... ૧

ભાલ વિશાળમાં પંચ રેખા ઊઠે,
ઊભી છે બે ને ત્રણ ચંદ્રાકાર;
જમણી કોરે એક ચિહ્ન છે ભાલમાં,
ભક્તજન નીરખે (તે) વારમવાર... ૨

સુંદર મસ્તક શ્રી મહારાજનું,
શિખા સુંદર જેમાં જોઈ જ રહીએ;
ત્રણ તિલ છે વળી શિખાને પાસળે,
વામ ભાગે તેને ધારી લઈએ... ૩

મોટો એક તિલ છે વામ વાંસામાંહી,
મોટો એક કેશ છે તેને પાસે;
જમણા વાંસામાંહી આઘો એક તિલ છે,
પ્રેમાનંદ નીરખતા દુઃખ નાસે... ૪

અન્ય સંસ્કરણ

ભક્ત મનરંજન ભૃકુટી ઘનશ્યામની,
કામિની જોઈને મત થાય ઘેલી;
ભૃકુટીને હેઠે ને નેત્રની ઉપરે,
રેખા ઊઠે અતિ રસ ભરેલી... ૧

ભાલ વિશાળમાં પંચ રેખા ઊઠે,
ઊભી છે બે ને ત્રણ ચંદ્રાકાર;
જમણી કોરે એક ચિહ્ન છે ભાલમાં,
ભક્તજન નીરખે (તે) વારમવાર... ૨

સુંદર મસ્તક શ્રી મહારાજનું,
શિખા સુંદર જેમાં જોઈ જ રહીએ;
ત્રણ તિલ છે વળી શિખાને પાસળે,
વામ ભાગે તેને ધારી લઈએ... ૩

મોટો એક તિલ છે વામ વાંસામાંહી,
મોટો એક કેશ છે તેને પાસે;
જમણા વાંસામાંહી આઘો એક તિલ છે,
પ્રેમાનંદ નીરખતા દુઃખ નાસે... ૪

-૦-