ગુજરાતની ગઝલો/સુંદિર મુખડું આપનું
| ← સખે ! ભૂલો પડ્યો હું તો ! | ગુજરાતની ગઝલો સુંદિર મુખડું આપનું [[સર્જક:|]] ૧૯૪૩ |
નસીબ આજરાત → |
શું મઝા ! ફકીરોથી ઢાંકો 'ગર ન મુખડું આપનું,
દિલભર જુએ અમ આખરે, સુંદિર મુખડું આપનું. ૧
પ્યારની ખ્વાહિશમાં હારુન સમ અમ આપદા,
ઠીક થાત દીઠું હોત ના સુંદિર મુખડું આપનું. ૨
કેદી બનત હારુન ના તવ ચિબુક કેરા કૂપમાં,
'ગર ન વર્ણ્યું મારુતે સુંદિર મુખડું આપનું. ૩
પ્રસરી સુગન્ધિ બાગમાં એ દાખવે તમ હાજરી,
છે મસ્ત બુલબુલ જોઈને સુંદિર મુખડું આપનું. ૪
સહે સખ્ત જુલ્મ જુદાઈનો મસ્તાન નિત્યે રે સનમ!
કર દૂર ઘૂંઘટ કે જુએ 'હાફેઝ' મુખડું આપનું. ૫
- ↑ હાફિઝ પરથી ભાષાંતર