ધર્મકુંવર ઘનશ્યામજી મારા પ્રાણ

by પ્રેમાનંદ સ્વામી

ધર્મકુંવર ઘનશ્યામજી મારા પ્રાણ પ્રેમાનંદ સ્વામી

ધર્મકુંવર ઘનશ્યામજી મારા પ્રાણ

ધર્મકુંવર ઘનશ્યામજી, મારા પ્રાણ તણા આધાર;
નિમખ ન મેલું વેગળા, મારા હૈડાના હાર ટેક

જીવું છું જીવન જોઈને, નેણુંના શણગાર;
જીવત સુખ મારું માવ પર, વારું વારંવાર... ૧

રૂપ શીલ ઉદારતા, ગંભીર ગુણધામ;
મૂર્તિ તમારી માવજી, ભક્ત પૂરણકામ... ૨

ભાગ્ય મારાં શું રે વર્ણવું, કહ્યામાં નાવે;
મુનિવરને મોંઘા ઘણાં, તે ભેટ્યાં મુને ભાવે... ૩

અનેક જનમને આદરે, આંખડી આગે;
આ ઊભા અલબેલડો, પ્રેમાનંદ પાય લાગે... ૪