ન્હાના ન્હાના રાસ/હૈયાનાં હેત

વિકિસ્રોતમાંથી
Jump to navigation Jump to search
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← રાજકુમારીનું ગીત ન્હાના ન્હાના રાસ - ભાગ ૧
હૈયાનાં હેત
ન્હાનાલાલ કવિ
પ્રેમસરોવર →


  
હૈયાનાં હેત વ્હેતી વાંસળી વાગી!
વાંસળી વાગી,
ને મ્હારી છાતડી જાગીઃ
દુનિયાના દંશ દેતી વાંસળી વાગી.

એનો ઘેરો ટ્‍હૌકાર,
મ્હારા ઉરનો આધાર,
મ્હારો ઊંડો ઊંડો જાણે જીવનલલકારઃ
દુનિયાના દંશ દેતી વાંસળી વાગી.

વાંસળી વાગી,
ને મ્હારી છાતડી જાગીઃ
હૈયાનાં હેત વ્હેતી વાંસળી વાગી!
-૦-