આ પાનાનું પ્રુફરીડિંગ થઈ ગયું છે
૧૦૪
આ તે શી માથાફોડ
“બાપુ, ચાલો તો તમને બિલાડીને સાંકળે બાંધી છે તે બતાવું.”
“જો હમણા નવરાશ નથી. તું બિલડી સાથે રમ.” બાપુ, અસીલો સાથે બેઠા બેઠા વાતો કરતા હતા.
“બાપુ, અહીં તો અવો ! આજે અમે નવી અભરાઈ પર અમારો સામાન ગોઠવ્યો છે.”
“હમણાં નહી; નિરાંતે જોશું.” બાપુ મિત્રો સાથે નિરાંતે ચા પીતા હતા.
“બાપુ, ઊભા રહો; હું મારી નવી ચોપડી જોવા લાવું. પુંઠૂં લીલું સુંદર છે ! “
“જો મારે ઝટ જવું છે. હમણાં નવરાશ નથી.” બાપુ પોતાના ભાઇબંધો સાથે લાકડી લઇ ફરવા જતા હતા.
બાપુ
“બાપુ કાલે ફરવા જઈશું ?”
“હા, હા, કાલે જઈશું.”
“બાપુ, આજે હવે જઈશું ના ? કાલે તમે કહ્યું હતું.”
“ના ભાઈ, આજે તો જરા કામ છે. હવે કાલે વાત.”
“બાપુ, કાલે વારતા કહેવાની કે નહિ ?”
“હા , કાલે તો ચોક્કસ જ કહેવાની.”