આ પાનાનું પ્રુફરીડિંગ થઈ ગયું છે
બાપુ
૧૦૫
“બાપુ, ચાલો હવે કાલની અધૂરી વાત પૂરી કરીએ.”
“એંહ, આજ તો આળસ આવે છે. કાલે વાત કાલે.”
×××
“બાપુ આપણે પેલી દાજીવાળી સાઈકલ સમી ક્યારે કરીશું ?”
“કાલે નિરાંતે એ કામ કરીશું.”
“બાપુ, ચાલે સાઈકલ બહાર કાઢી છે.અમે બધાં તૈયાર છીએ.”
“જવાદ્યોને આજે ! આજે મારે આરામ લેવાનો વિચાર છે. કાલે વાત કાલે.”
“છોકરાંઓ, ત્યારે કાલે આપણે શાંતિભાઈને ત્યાં થઈને સરકસમાં જઈશું.”
“બાપુ, હવે સરકસમાં ક્યારે જઈશું ? ચાલોને વખત થયો છે. પણ આજે તો જીવરામ અહીં આવવાના છે. મેં તેમને વખત ચા પીવા બોલવ્યા છે. હવે આવતે રવિવારે જ જઈશું.”
×××
“છોકરાંઓ આવતીકાલે આપણે ફૂટબોલ રમવા જવનું છે. ચાર વાગે તૈયાર થજો.”
“ચાર વાગે ? બહુ સારું, તૈયર રહીશું.”
“શામજીભાઈ, આજે જરા ચાર વાગે મારે ત્યાં ચા પીવા પધારશો ? બે મહેમાન આવ્યા છે.”
