આ પાનાનું પ્રુફરીડિંગ થઈ ગયું છે
ગજુડો
૭
ગજુડો
“એ સાંભળ્યું કે ? આ ગજુડાને અહીંથી ઉપાડી લેશો ?”
“શું છે ?”
“આ ક્યારનો નહાવાની ઓરડીમાં જઈને પાણી ઢોળે છે.”
“તે ભલેને ઢોળે.”
“પણ આ પહેરણ ભીનું કરીને બગાડે છે”
“તે એમાં શું થઈ ગયું ? પહેરણ ધોઈ નખાશે.”
“પણ ઈ માદો પડશે એનું શું ? આખો દિ' પાણી ચૂંથ ચૂંથ કરાય ?”
“ઉનાળો છે; કાંઈ માંદો પડતો નથી. ઉનાળામાં છોકરાંને પાણી ગમે.”
“પણ એ પાણી ઢોળ્યા કરે ઈ મને નો ગમે. આ બે બાલદી ઢોળી નાખી.”
“પાણીની ક્યાં ખોટ છે ? નળ આખો દિ' આવ્યા જ કરે છે.”
“પણ આ ઓરડી ભીની ભીની કરી નાખી. ભીની ઓરડી તે કાંઈ સારી લાગે ?”
“એ તો હમણા સૂકાઈ જશે. ઉનાળામાં સુકાતાં કેટલી વાર ?”
