પૃષ્ઠ:Aa te shi mathafod - Gijubhai Badheka.pdf/૧૪૨

વિકિસ્રોતમાંથી
આ પાનાનું પ્રુફરીડિંગ થઈ ગયું છે
૧૩૮
આ તે શી માથાફોડ
 
: ૯૯ :
શેઠાણી, ગાડીવાન અને છોકરાઓ

“એ આમ આવ, આમ આવ ! કેમ આટલો બધો મોડો આવ્યો ? ભાન નથી કે તારા વિના છોકરાં બેસી રહ્યાં છે ? યાદ રાખજે કાલથી મોડો આવ્યો છે તો ! ખબર નથી રોજ છોકરાંને ફરવા લઈ જવાનાં છે ? શેઠનો શો હુકમ છે ? જો આજે તો જવા દ‌ઉં છું; કાલ શેઠને જ કહીશ. ચાલ જા, ગાડી તૈયાર કરીને છોકરાંને લઈ જા.”


“એ છોકરાંઓ આમ આવો, આમ. કેમ ક્યારનો વખત થયો છે ને બોલાવું છું છતાં આવતાં જ નથી ? હવેથી સાદ કરું કે તરત આવજો, નીકર ગાડી હાંકી જઈશ. યાદ રાખજો, જો કાલથી નથી આવ્યાં તો ? શેઠાણીએ શું કીધું છે ? સાંજ પડે તે પહેલાં સૌને પાછાં લાવવાં. ચાલો બેસી જાઓ; આજે તો જવા દ‌ઉં છું.

: ૧૦૦ :
પોતાના રમતાં બાળકો પ્રત્યે

ફોજદાર : “એઈ, ચૂપ રહો ! ગડબડ કોણ કરે છે ? માર ખાવો છે કે ?”

વકીલ : “એઈ, ગડબડ નહિ. પેલી બાજુએ જાઓ જોઈએ ? અહીં કામ ચાલે છે.”

પ્રોફેસર : “જુઓ તો; પેલાંઓને કહોને કે પેલી બાજુ રમે. આ હું જરા વાંચવામાં છું.”