પૃષ્ઠ:Aa te shi mathafod - Gijubhai Badheka.pdf/૧૫

વિકિસ્રોતમાંથી
આ પાનાનું પ્રુફરીડિંગ થઈ ગયું છે
પાપ લાગે
૧૧
 


બબલી કહે : “ભલે પાપ લાગે, હું તો ખોટું બોલીશ.”

હજામ કહે : “ન બોલાય; પાપ લાગે.”

બબલી કહે : “એમાં શું થઈ ગયું ? હું તો બોલીશ. ખોટું બોલાય.”

હજામ કહે : “ભાઈ ન બોલાય. ખોટું બોલીએ તો પાપ લાગે.”

બબલી કહે : “ગિજુભાઈ ! ખોટું બોલીએ તો પાપ લાગે ?”

મને કશો ઉત્તર દેવાનું મન ન થયું. હું બોલ્યો નહિ.

બબલીએ હજામને પૂછ્યું : “ખોટું બોલીએ તો મરી જઈએ ?”

હજામ કહે : “ખોટું બોલીએ તો પાપ લાગે.”

બબલી મારા તરફ જોઈને કહે : “ખોટું બોલીએ તો મરી જઈએ ?”

મેં ઉત્તર ન આપ્યો.

બબલી કહે : “પાપ કેવી રીતે લાગે ?”

હજામ કહે : “પાપ લાગે; ખોટું ન બોલાય.”

બબલી કહે : “ત્યારે તો હવે એક વાર પાપ લગાડવું પડશે.”

×××

આપણે હજામને ધાર્મિક શિક્ષણ આપતાં રોકવો ન જોઈએ ?

×××