હોય તો યે પરાણે મોકલતાં અને નિશાળે થી આવીએ કે તુરત જ પાઠ કરવા બેસાડતાં આવડે છે. અને વારે ઘડીએ પાણી લાવો, ચા લાવો, આ લાવો ને તે લાવો એમ મંગાવતાં જ આવડે છે; ને જરાકે મોડું થાય તો બા ઉપર અને આપણી ઉપર ખિજાતાં આવડે છે. બાકી તો બાપુને કશું યે આવડતું નથી અને એટલા જ માટે બા તો એમને કશું કાંઈ ચીંધતી જ નહિ હોય, અને બધું પોતે જ કર્યા કરતી હશે !”
બા હું તને અબોટ કરાવું ?
“બા, હું તને અબોટ કરાવું ? લે તું પાણી નાખ ને હું વાળું.”
“લે રાખ, રોયા બાયલા ! અબોટ તો છોકરીઓ કરે.”
×××
“બા, હું આ ઘર વાળી નાખું ?”
“રોયા, ભીખાને પગાર મફતનો આપીએ છીએ ?” વાળવા વળો થજે વાળવાવાળો !”
×××
“બા જો તો ? મેં આ મારો રૂમાલ હાથે ધોયો.”
“હવે આઘો ખશ, આ આખું પહેરણ પલાળ્યું ને પગ ગારો ગારો કર્યા ! મારે તે લૂંગડા ય કેટલા ધોવાં ?”
×××
“બા, પણે જીવીકાકીને ઘરે હીંચકો બાંધ્યો છે તે હીંચકવા જાઉં ?”