મોટું થયું તોયે કામ કેમ ન આવડે ?“” પણ છોકરું મોટું થાય તેથી તેને કાંઈ કર્યા વિના કામ આવડે ? નાનપણમાં બાળકને કશું કામ નહિ આવડે એમ ધારીને આપણે તેને કામ કરવા દેતાં નથી; મોટપણે કામ કરતાં આવડતું ન હોવાથી ખિજાઈએ છીએ. ખરી વાત એમ છે કે નાનપણથી જ આપણે તેને કામ કરવા દેવું જોઈએ. નાનપણમાં બાળકને બધું કામ આપણા જેવું સરસ અને બરાબર ન આવડે એ સાચું છે; પણ આપણે બધાં મોટાં થઈને જે બધું સારું અને ઝડપથી કરીએ છીએ તે બધું કાંઈ પહેલેથી જ થોડું આવડી ગયું છે ? એ તો ધીરે ધીરે કામ કરીને જ સારું કામ કરતાં આવડ્યું છે.
હવે તો બા એના દીકરાને હાથે ધોવા દે તો જ થોડા દિવસમાં તેને બરાબર ધોતાં આવડશે.
તમે શું સમજો ?
“બાળઉછેરની બાબતમાં તમે શું સમજો ? ખરો અનુભવ તો મને છે.”
“એમ ? ત્યારે કહો જોઈએ, તમે કેટલા બાળકો ઉછેર્યાં છે ?”
“કેટલાં કેમ ! એક બે નહિ, પણ નવ !”
“અને એમાંનાં કેટલાં ઊછર્યાં ?”
“બેસ્તો !”
