આ પાનાનું પ્રુફરીડિંગ થઈ ગયું છે
૩૦
આ તે શી માથાફોડ
રોયો ઘડીયે જંપીને બેસેતો કે ? આખો દિ' હેઠો બેસતો નથી અત્યારે રાતે ય ત્યાં અંધારામાં શું દાટ્યું હતું તે ગયો હતો ?”
“હશે હવે કાંઈક દવા તો કરો, છોકરાને પાસે તો બોલાવો ! જરાક દયા રાખો.”
“તમારે બહુ ડહાપણ ન કરવું. છોકરો તો અમરો છે ને ? અમે એને છાનો રાખશું.”
એલા મૂંગો મરે છે કે ? હમણાં ઉતારવાવાળા પાસે લ ઇ જાઉં છું; ભેંકડો શું તાણે છે, ભેંકડો !”
“વોય, ઓય વોય !”
“હળવો રો હળવો; ત્યાં રોવાથી વીંછી નહિ ઊતરે !”
ચમચાનો કજિયો
“આ બચુડી આજ કજિયો કેમ કરે છે ?”
“બાઈ બચુડી તો બચુડી છે ! ઈ મીઠું મીઠું બોલે ત્યાં સુધી; વટકી તો પછી થઇ રહ્યું.”
“ઊં ઊં ઊં.”
“શું છે બચુડી ? શું છે બાપા ?”
“ઊં ઊં.”
“એમ ઈ નઈ બોલે. એમ તો ઉનાની ઓલી કોરની છે.”
“બચુ બાપા, શું છે ? શું જોવે છે ?”
