આ પાનાનું પ્રુફરીડિંગ થઈ ગયું છે
ઘડિયાળ ઉઘાડી દ્યોને
૩૩
ધારી ધારીને જો. બસ ! જોઇ લીધું ? ચાલો હવે બંધ કરીએ. મારે હવે કામ છે."
“ઠીક ત્યારે. બાપા, કાલે બતાવશો કે ?”
"કાલની વાત કાલે.”
"વારુ.”
“બાપા, આ ઘડિયાળ ઉઘાડી આપોને?”
“ના, એ ઘડિયાળ ન ઉઘાડાય.”
“પણ એ ઉઘાડાય તો છે કાલે તમે નો'તા ઉઘાડતા ?”
“પણ તને એ ઉઘાડીને ન અપાય.”
“પણ હું બગાડીશ નહિ; ટીકુ જેમ એમાં હું આંગળી નહિ અડાડું.”
“પણ ઉઘાડીએ તો એમાં કચરો પડે.”
“પણ જરાક જોઇને જ બંધ કરી દઇશ.”
“પણ તારા હાથમાંથી પડી જાય તો તૂટી જાયના ?”
“પણ બાપા, તમારા હાથમાં રાખીને ઉઘાડી બતાવો;પછી છે કાંઈ ?”
“પણ હમણાં મારે કામ છે. પછી આવજે.”
“પણ જરાક જ વાર લાગશે. આમ બોલશો ત્યાં તો ઘડિયાળ ઉઘાડીને બંધ પણ કરી શકાશે. મારે એનાં ચક્કર જ જોવાં છે.”
“પણ છરી જ ક્યાં છે ? ને હવે જાને, અત્યારે કનડતો !”
