આ પાનાનું પ્રુફરીડિંગ થઈ ગયું છે
શું કામ નથી માનતો
૪૫
સૂડી વચ્ચે સોપારી
બા:” કેમ અલ્યા સોપારીનો કટકો નાખી દે છે કે નહિ ? અત્યારથી એ હેવા શા સારા ?”
બાપા : “ખાવા દે ને ! એમાં શું બગડી જાય છે ?”
બા : “સરખો બેશ, પલોંઠી વાળીને. આ શું ઊંધા ગૂડા નાખીને બેઠો છે ?”
બાપા : “એમ બેસે તોય સરખું ને આમ બેસે તો ય સરખું, એમાં સરખું શું બેસવું'તું ?”
બા : “આમ સરખો સૂને ! ચત્તોપાટ શું સૂતો છે?”
બાપા : “પડખે સૂવે તો યે ઠીક ને ચત્તો સૂવે તો યે ઠીક. પડાવું હોય એમ પડવા દેને ?”
બા : “એલા જમણે હાથે ખા, જમણે હાથે. ડાબો હાથ ક્યાં લીધો ?”
બાપા : “ડાબો યે સરખો ને જમણો યે સરખો. ખાવા દેને જે હાથે ખાવું હોય તે ! એમાં ક્યાં કાંઈ બગડી જાય છે ?”
શું કામ નથી માનતો
“ચંદુ, પાણી લાવને ?”
ચંદુ મૂંઝાઈ ને ઊભો રહ્યો.
“ચંદુ, સાંભળતો નથી ? પાણી લાવવાનું કહ્યું તે ?”
