આ પાનાનું પ્રુફરીડિંગ થઈ ગયું છે
એક પ્રસંગ
૪૯
વિનુ મૂંઝાતો બેઠો.
બાપા કહે: “મૂઢ જેવો બેઠો છે શું ? ખાવું છે કે નહિ ?”
વિનુની આંખમાં આંસું આવ્યાં.
“રોયા, કાંગામૂંડા કર્ય મા, કેમ, ખાવું છે કે નહિ ?”
વિનુએ શાક મોંમાં નાખ્યું; આંખો મીચી ગળે ઉતાર્યું. બીજી જ ક્ષણે 'ઓક,ઓક, ઓક !' ને રસોડામાં ઊલટી !
એક પ્રસંગ
હું હીંડોળા ઉપર બેઠો હતો. મારા મિત્ર હજામત કરાવતા હતા. શિક્ષણ વિષયક વાતો ચાલતી હતી. ઘરમાંથી અવાજ આવ્યો: “મારા રોયા, બહાર જાય છે કે ? આ હમણાં માર્યો સમજજે.”
રડતો રડતો મોટો ભાઈ અમારી પાસે આવ્યો.
મિત્રે પૂછ્યું : “શું છે ?”
“નાનું, મારું ફેરકણું નથી આપતો.”
વચ્ચે ઘરમાંથી અવાજ આવ્યો: “ઈ રોયાને મારવો જોશે. મારે તે ફેરકણાં ક્યાંથી દેવાં ?”
“હશે બેટા, કાલે નવું ફેરકણું લાવી દઈશ.”
“એં...મારે ફેરક્ણું જોવે.”
“કાલે મળશે.”
