આ પાનાનું પ્રુફરીડિંગ થઈ ગયું છે
૭૦
આ તે શી માથાફોડ
ભાઇએ મને ધક્કો માર્યો. શું કામ એણે ધક્કો માર્યો ? મેં એટલું પૂછયું કે ચાલને ભાઇ રમીએ. ન રમે તો કાંઇ નહિ, પણ એમાં ધક્કો શું કામ મારે ?
બેન કહે ખસ આઘી. શું કામ મને ખસ કહે છે ? હું તો ત્યાં ઊભી હતી; કીડીઓને જોતી હતી. મારે ક્યાંઇ જવું નો'તું. શું કામ મને ખસ કીધું ?
પણ હું ના પાડું છું ના !
રતુ: “બા, બાપા કહે છે કે ઓલી ઢીંગલી કબાટમાંથી લઇને રમો.”
બા કહે: “પણ હું ના પાડું છું ના ! અત્યારમાં ઊઠીને રમવાનું ના હોય.”
મનુ કહે: “બા, બાપા કહે છે કે પણે રેતીના ઢગલા ઉપર જઇને રમો.”
બા કહે: “પણ હું ના પાડું છું ના ! રેતીમાં વળી શું રમવું'તું ?”
રતુ કહે: “બા, બાપા કહે છે કે જાઓ નળેથી કળશે કળશે પાણી ભરો.”
બા કહે: “પણ હું ના પાડું છું ના ! ઇ અત્યારમાં ક્યાં સૂઝે છે ? બીજું કાંઇ છે કે નહિં ?”
મનુ કહે: “બા, બાપા કહે છે કે જશીબેનને ત્યાં રમવા જાઓ.”