આ પાનાનું પ્રુફરીડિંગ થઈ ગયું છે
સ્વાવલંબન
૯૫
આવી ‘વઢકણી વહુ ને દીકરો જણ્યો’ એવી માતઓ દરેક શેરીમાં કે પોળમાં તો હોય જ છે. એનાથી આપણે દૂર રહીએ. એનાં છોકરાંઓથી આપણાં છોકરાંઓને દૂર રાખીએ.
પરાવલંબન
બાપા, બૂતાન બીડી દ્યોને ?
બા, આ નથી ઊપડતું.
બેન, બૂટ પહેરાવોને ?
બા, નવરાવી દ્યોને ?
નાના કાકા, સાંકળ વાસી દ્યોને !
બાપુ, ચોપડી નથી જડતી; ગોતી આપોને ? "બા, ઊભી રહીને સાથે ચાલને ? મોટાભાઈ, રૂમાલનો દડો કરી દ્યોને ?
સ્વાવલંબન
બીડ જોઉં તારી મેળાએ.
ઉપાડ જોઉં ! ઊપડશે, ઊપડશે.
જો તેને તો પહેરતાં આવડે છે, તારી મેળે પહેર જોઈએ ?
હવે તો તું તારી મેળે નાહી શકે; લે પાણી કાઢી આપું. મેળાએ નાહી લે.