લખાણ પર જાઓ

પૃષ્ઠ:Akashdeep by Dhumketu.pdf/૧૧૨

વિકિસ્રોતમાંથી
આ પાનું પ્રમાણિત થઈ ગયું છે.

૧૦૪
ચમેલી
 

⁠‘ત્યારે નહિ? તું એને પસંદ કરે છે કે નહિ? બીજું તને ફાવશે કે નહિ? છોકરી તો સારી છે!’

⁠‘પણ, ‘ બ્રધર !' આ ‘બોધરેશન’ એનું શું?’

⁠‘હાં...હાં...ત્યારે તને નહિ ફાવે કાં?’

⁠’ભલે એ થોડા દિવસ રહે—’ દિલીપ બોલ્યો: ‘ આપણે જોઈએ —પરિચય થાય પછી.’

⁠‘પણ પછી યે તું—તેં વિચાર કર્યો છે?’

⁠‘શાનો?’

⁠‘અરે! ગાંડાભાઈ! શાનો શું? પરણવાનો?’

⁠‘પણ બ્રધર !’ એ તો પાછું 'બોધરેશન્'! ’

⁠‘ત્યારે એમ બોલોને મારાભાઈ! તારે જવાબદારી લેવી નથી. પણ તો તો પછી સસ્તી મોજ લેવી છે એમ આનો અર્થ સમજવો? આ લોકો, દિલીપ ! એવી વસ્તુને હજી ટેવાયેલી નથી!’

⁠‘પણ મને આ ‘બોધરેશન’ ગમતું નથી, બ્રધર!’

⁠‘તે તારી ઈચ્છાનો વિષય છે. પણ જેમ તને ‘બોધરેશન’ ગમતું નથી, તેમ મને તારું કોઈ પણ ધ્યેય વિનાનું સ્વતંત્ર જીવન ગમતું નથી. હું એને એક પ્રકારની કાયરતા ગણું છું ! સ્વતંત્રતાને ધ્યેય સાથે સંબંધ છે, નહિતર એ કાયરતા છે.’

⁠‘કાયરતા?’

⁠‘ત્યારે નહિં? તમે જવાબદારી લેવા માગતા નથી. પણ જે કાંઈ સસ્તામાં મળી જાય—જવાબદારી વિના—તે લેવા માગો છો. કાયરતા પણ એ જ માગે છે. તને ન ગમે તો ભલે, પણ આ ઠીક નથી, વિશ્વક્રમમાં ક્યાંય એકલવાયાપણાને