વેંધું[૧] મન રહે તેહનું, શીથલ સંસારી કામ. ૭
નવનીત [૨] સરખું હૃદે કોમલ, કહ્યું ન જાતે હેત;
આંખમાંહે અમૃત ભરિયું, હરિભક્તિકેરૂં ક્ષેત્ર. ૮
જેમ જારે[૩] લુબધી[૪] યુવતી, [૫] તેનું મન રહે પ્રિતમપાસ;
અહર્નિશ રહે આલોચતી,[૬] ભાઇ એહવું મન હરિદાસ. ૯
કહે અખો સહુકો સુણો, હરિ લક્ષ લાગ્યો ચિંતને[૭];
મનન તેહને માહાવનું[૮], તે સેવે હર-ગુરુ-સંતને. ૧૦
કડવું ૧૨ મું - સર્વાત્મભાવ જ્ઞાનતુર્ય પદ
ઉદય ઉજાળો[૯] દે જેમ ચંદ્રમાજી,
કિરણ તેહનાં પસરે વન વિથિ[૧૦] મંદિરમાંજી;
તેમ સરખો આત્મા ભાસે કીટ ઈંદ્રમાંજી,
એહવો પ્રકટ્યો હૃદય કંદ્રમાંજી[૧૧]. ૧
હૃદે ગુહામાં રામ પ્રગટ્યા, તેણે પાલટો[૧૨] મનનો થયો;
માયાનેં ઠામે બ્રહ્મ ભાસે, સંસારનો સંભવ ગયો. ૧
જેમ રવિને તેજે ઓગળે, પાલો[૧૩] તે પાણી થૈ વહેં;
તેમ જેહનેં પ્રગટે આતમા, તે માયાદોષ સહેજે દહે. ૨
ભાઇ માયાનું બળ તિહાં લગે, જિહાં આતમા જાણ્યો નહીં;
જેમ ગત યૌવન થઇ યુવતી, તે પ્રસવલગિવાધી રહી. ૩
- ↑ વિંધાયેલું
- ↑ માખણ જેવું
- ↑ ઉપમતિમાં
- ↑ અત્યંન્ત પ્રીતિવાળી થઇ
- ↑ સ્ત્રી
- ↑ જોતી
- ↑ ચિત્તને
- ↑ પરમાત્માનું
- ↑ અજવાળું
- ↑ શેરી
- ↑ હૃદયરૂપી ગુફામાં
- ↑ બદલાવું
- ↑ બરફ