આ પાનાનું પ્રુફરીડિંગ થઈ ગયું છે
જેમ ગોરસમાંથી [૧] આજ્ય[૨] કાઢે, તેજેમ તક્ર[૩] થયું દહીં;
આત્મા જાણે એમ માયા, વિચારે દીસે નહીં. ૪
ભાઇ કર્મ ગહન તે તિહાં લગેં, જિહા સદ્વિચાર નથી ઉપનો,
નવનીત ત્યાં લગે વણસતું [૪], જ્યહાંભેદ ન જાણ્યો તૂપનો[૫]. ૫
તાવ્યૂં માંખણ ધૃત [૬] થયું, પછી તે વણસે નહીં ક્યમે [૭];
તેમ આતમા જાણે નોહે પરાભવ, અણજાગે માયા દમે [૮]. ૬
અંધારૂં દુંખ દે ઘણું, અર્કવિહોણું[૯] જેમ ચક્ષુને;
તેમ આતમા ઉદયે ગહન પલાયેં[૧૦], માયા દમે નહીં પુરુષનેં. ૭
નિદ્રાવાનને સ્વપ્ન હોયે, ભોગ નાના ભોગવે;
અણછતા [૧૧] આણી તે કરે ઊભા, ગહન માયા જોગવે[૧૨]. ૮
જાગ્યો ત્યાં થઇ ચેતના, નિદ્રાસાયે સર્વે પળ્યું [૧૩];
ત્યમ તુરીયાવડે[૧૪] તિમિર[૧૫] ત્રાસે, ચિત્ત ચમક્યું હું તું તે ટલ્યું [૧૬]. ૯
કહે અખો સહુકો સુણો, જેમ દારિદ્રય નથી શ્રીમંતનેં
જો મહાધન હીંડો પામવા, તો સેવો હર-ગુરુ-સંતને. ૧૦