એ ત્રણ પ્રકારે થાઓ તમે, પણ સ્વભાવે તમે શિવ. ૪
અણછતી અજા તમારી, અંગીકૃત-સરખી [૧] અશી;
તે મધ્ય પડિયું ધામ તમારૂં,ત્યારે ઇશ્વર થઇને વિલસી. ૫
તે ઇશ્વરના ઐશ્વર્યવિષે, અનંત જીવ ઉપજે સમે [૨];
ચૈતન્ય ચાલ્યું આવે તમારૂં, તેમ તેમ માથા પરવરે[૩] ૬
જેમ કાચનું મંદિર રચ્યું,નીલ પીત શુભ્ર[૪] શ્યામનું;
જે ઉપર તપ્યો સૂર [૫] જ્યારે, ત્યારે વિચિત્ર રૂપ થયું ધામનું. ૭
કૈવલ્ય સૂરજ તપે સદા, માયા તે મંદિર કાચ,
ઇશ્વર નામ તેહનું, ભાઇ જીવ થઇ માન્યું સાચ. ૮
અધિષ્ઠાન [૬] તે તમે સ્વામી, તેણે એ ચાલ્યું જાય;
અણછતો જીવ હું હું કરે,પણ ભેદ ન પ્રીછે પ્રાય [૭] ૯
કહે અખો તમે નાથ નિર્ગુણ, થયા સગુણ વિષે જંતને;
એ કલા તમારી પ્રીછવા, જીવ સેવે હર-ગુરુ-સંતને. ૧૦
કડવું ૨૦ મું - શિવમાં જીવનું તત્ત્વારોપણ
એમ એ નાટક ચાલ્યું જાયજી,જેહના સ્વામી તમો પ્રભુ રાયજી
કૈવલ્ય ઈશ્વર ભૌતિક રાયજી, અણછતો ઉભો મધ્યે જીવ થાયજી
