આ પાનું પ્રમાણિત થઈ ગયું છે.
૧૬૨
બીરબલ વિનોદ.
વાર્તા ૧૧૦.
તમને પણ મારી આજ્ઞામાં રહેવું પડશે.
એક દિવસે અબુલ ફઝલે બાદશાહની રૂબરૂમાં બીરબલને કહ્યું “બીરબલ ! તમને આજથી બાદશાહે કૂતરાઓના અફસર નીમ્યા છે.”
બીરબલે તરત જ ઉત્તર આપ્યો “ઘણું જ સારું થયું, કેમકે હવે તમને પણ મ્હારી આજ્ઞામાં રહેવું પડેશે.”
આ પ્રત્યુત્તર સાંભળતાંજ બાદશાહ હસી પડ્યો અને વઝીર ઘણો જ શરમિંદો થઈ ગયો.
વાર્તા ૧૧૧.
હું એને ભૂલી ગયો.
એક દિવસ બાદશાહે કહ્યું “બીરબલ ! તમારી સ્ત્રી અતિ સ્વરૂપવાન છે?”
એ સાંભળતાંજ બીરબલે તરત ઉત્તર આપ્યો “હુઝૂર! હું પણ એમજ સમજતો હતું, પરંતુ જ્યારથી મ્હેં બેગમ સાહેબને જોયા છે, ત્યારથી હું એને ભૂલી ગયો છું.”
બાદશાહ આ ઉત્તર સાંભળી ખુશ પણ થયો તેમ લજ્જિત પણ થયો.
વાર્તા ૧૧૨.
સૂર્ય પશ્ચિમમાં કેમ સંતાય છે?
એક દિવસ બાદશાહ સંધ્યા સમયે બાગમાં બેઠો જમુનાના જળ તરંગોની બહાર જોતો હતો, એવામાં