પૃષ્ઠ:Chhayanat.pdf/૧૯

વિકિસ્રોતમાંથી
આ પાનું પ્રમાણિત થઈ ગયું છે.
આદર્શ :૧૧
 

આપી દીધી હતી ? એનું મંડળ લગભગ ગુપ્ત હતું અને તેમાં પ્રવેશ પામનાર પ્રત્યેક સભ્યે વફાદારીના સોગન લીધા હતા.

‘આપને કોણે કહ્યું ?’ ગૌતમે ગંભીર બનીને પૂછ્યું.

‘હું વગર પુરાવે કામ કરતો જ નથી.' પ્રિન્સિપાલે પોતાની જાતને પ્રમાણપત્ર આપ્યું.

'અને ધારો કે એક મંડળ અમે વિદ્યાર્થીઓએ સ્થાપ્યું. એમાં તમારું શું ગયું ?’ ગૌતમે ઉગ્રતાથી પૂછ્યું.

‘મારી સંમતિ વગરનાં મંડળો કૉલેજમાં ચલાવી લેવાય નહિ.’

‘સાહેબ ! આપના કૉલેજના દિવસો યાદ કરી શકો છો ?’

‘હા.. તારા જેવા ઉદ્ધત વિદ્યાર્થીને મારા દિવસોમાં ભારે સજા થતી. આજથી તારે માટે મારી કૉલેજ બંધ છે.'

‘હું પણ જોઉ છું કે તમે કૉલેજ કેમ ચલાવો છો !’ ઉગ્રતાથી ગૌતમે કહ્યું.

'આ કથન પણ નોંધી રાખવાનું છે, ઈન્સ્પેક્ટર સાહેબ ! મને અપાયલી ધમકી આપ યાદ કરજો.’

પુસ્તકો સાથે પોલીસ અમલદાર અને પ્રિન્સિપાલ ચાલ્યા ગયા. ગૌતમ એકીટસે જોઈ રહ્યો હતો !

‘પ્રિન્સિપાલ અને પોલીસ અમલદારનાં મસ્તક એક જ શરીરમાંથી ઊગી નીકળતાં લાગે છે !’ તેણે મનમાં કહ્યું.

રાવણ ? હજી બે જ મસ્તક ઊગ્યાં ! એનાં દસ થાય અને દસમાંથી? ગૌતમના મનને ગભરાવે એવી કલ્પનાસૃષ્ટિ તેની દૃષ્ટિ આગળ ઊભી થઈ.