આ પાનું પ્રમાણિત થઈ ગયું છે.
૧૩૮
ચિત્રદર્શનો
ઝીણી યોગગુફાઓ ગરૂડેશ્વરી ગિરનાર ઉભો નભ થંભી,
જ્યંહીં સિંહ ભરેલ સનાતન ગીર વનો પથરાઈ નભ ગોરંભી;
નરસિંહ અશોક ને રાણક, ઘોડલી ને હરણાંધ્વનિ કૂજ્યો,
ઇતિહાસપુરાણી ને સેજળ એ જગજૂની ગુર્જરી કુંજો.
નદીઓનાં મુખો મહીં જ્ય્હાં ઉરછાલૈક પશ્ચિમસિન્ધુ ઉછાળે,
જ્યહીં યાદવીભીની હિરણ્ય હજીય શ્રી કૃષ્ણની ભસ્મ પ્રજાળે;
જ્યહીં રુક્મણીનાં ઉરસ્વપ્ન ફળ્યાં, મહિમા શ્રી સુદામાઅનો બુઝ્યો,
ઢળી નાઘેર સારસશોભી, એ કૃષ્ણસુહાગી ગુર્જરી કુંજો.
જ્યહીં સાહસશૌર્ય વરે સુન્દરી, નરનારાયણી જ્યહીં કુંડો,
જ્યહીં જેસલતોરલ સાથ સૂતાં તેહ કુંજલડીભર ઝુંડો;
વસુધાના વસુથી લચ્યાં ને નમ્યાં શું વસન્તવિભૂતિના પુંજો,
ઉરભાવ સમી અમ એહવી સૌ ગુણગર્વી ગુર્જરી કુંજો.
ગુણગર્વી ગુર્જરી કુંજો.
समाप्त
