પૃષ્ઠ:Chitra Darshano - Gu - By Nhanalal.pdf/૪૩

વિકિસ્રોતમાંથી
આ પાનું પ્રમાણિત થઈ ગયું છે.
૩૪
ચિત્રદર્શનો
 

લાલન પાલન ને વાત્સલ્યભર
પુણ્યશાળી પાવનકારી પિતામહને
નીરખી નીરખી પૃથ્વી નમન નમતી.

પદ આગળથી ત્‍હેના ગંગા ફૂટતી
આબાલવૃદ્ધ સકલ રાજ્યલોક
બારે માસ ત્‍હેનું પાણી પીતાં.

મેઘ જેવી ભૂમિ ભીની હતી.
દેવી અન્નપૂર્ણાના અખૂટ પાત્ર સમી
ભૂમિ ધનધાન્યથી ભરચક ઉભરાતી,
ને લોકો વિધવિધની લણણી લણતા.
પૃથ્વી પ્રસન્નવદની હતી,
ને ત્‍હેના સ્મિત સરીખડી
દિશદિશમાં હરિયાલી હસતી.

ઝરણની નાળના ઘાસમાં
દીપડો લપ્પાતો હતો.
કાંઠે વાઘ ઘવાઈ પડ્યો હતો.

પાછળ સૂર્ય પ્રગટતો,
કોટી કોટી કિરણમાળે વધાવાતો.
પ્રજાહિતના અભિલાષ શી છાયા
આગળ દેશ વીંધી પડતી.
ધર્મ, સમભાવ, સહકર્મશીલતાના