પૃષ્ઠ:Ek-Taro.pdf/૩૭

વિકિસ્રોતમાંથી
Jump to navigation Jump to search
આ પાનું પ્રમાણિત થઈ ગયું છે.
[૪]
:એકતારો:
 


આતમની એરણ પરે
જે દિ' અનુભવ પછડાય જી;
તે દિ’ શબદ–તણખા ઝરે
 રગ રગ કડાકા થાય
 જી–જી શબદના વેપાર. ૧૧

ખાંપણ માંય તારે ખતા પડશે
 તન હોશે તારાં ખાખ જી;
તોય શબદના દીવડા
 હોશે પંથભૂલ્યાંની આંખ
 જી-જી શબદના વેપાર. ૧૨.

શબદ – તણખે સળગશે
 સુની ધરણીના નિઃશ્વાસ જી;
તે દિ’ શબદ લય પામશે
 હોશે આપોઆપ ઉજાસ
ચલ મન શબદને વેપાર
 જી–જી શબદના વેપાર. ૧૩.