આ પાનું પ્રમાણિત થઈ ગયું છે.
૮૦
ગ્રહાષ્ટક વત્તા એક
‘ના, એ તો હજી અષ્ટગ્રહીને દિવસે. આ તો પ્રકાશશેઠની આસામી...’
‘એને શું થયું ?’
‘કાચી પડી ગયાની અફવા.’
‘કાચી પડી ? બને જ કેમ ? કાપડમાં તો તેજી...’
‘ચમકના સટ્ટામાં સાફ...?’
‘શિવ શિવ શિવ ! હું તો એક સાંધું ત્યાં તેર તૂટે છે.’
‘બજારમાં બહુ જોરદાર અફવા છે કે પ્રકાશશેઠે પાઘડી ફેરવી.’
સાંભળીને લેડી જકલના મોઢામાંથી ઊંડા શ્વાસ નીકળી ગયા.
સર ભગનને થયું કે અષ્ટગ્રહીનો આરંભ આજથી જ થઈ ગયો કે શું ?
✽