આ પાનું પ્રમાણિત થઈ ગયું છે.
[ ૯૯ ]
શાયદ અજાયબ આદમીઃ
ગમી યા ગમી કે ના ગમીઃ
પણ–ભાવતી કાતિલ ઝમીં:
કુરબાની ગમી ત્યાં ખુશ થઈ.
દશ લાખ ઘા દિલમાં પડ્યા:
રૂઝયા, ફરી ફરી ઊબળ્યા:
લહાવા નવા કૈં કૈં મળ્યાઃ
લઉં છેલ્લી લહાણ પતી જઈ.
માશૂક ! હુસેની બાદશાહ !
સાગર ! ફકીરી ઈશ્કરાર !
દરગાર બસ મુજ કત્લગાહઃ
લઈ બંસી ચલ ! ગા તૂંહિ ! તૂંહિ !
જનમના જોગીડા છઈએ : અમે તો જોગીડા છઈએઃ
ખુદાના ખુદ બન્યા છઈએઃ જનમના જોગીડા છઈએ.
સનમના જોગીડા છઈએ:
સનમના જોગીડા છઈએ.
અનલહકમાં મચ્યા રહીએ:
જનમના જોગીડા છઈએ.
અમે જૂના જમાનાના
શરાબી આદમી છઈએ:
