પૃષ્ઠ:Gujaratni Gazalo.pdf/૧૧૫

વિકિસ્રોતમાંથી
આ પાનું પ્રમાણિત થઈ ગયું છે.
[૧૧૩]


કઈ દિલ બચશે ન લૂંટાયા વગર,
દિલરુબા છે દિલરુબાના હાથમાં
શીશ મારું ચર્ણમાં તેના નથી.
દિલરુબા છે દિલરૂબાના હાથમાં.
 
દિલરુબાના હાથમાં છે દિલરુબા,
દિલરુબા છે દિલરુબાના હાથમાં.
છે મુખે ગઝલો 'મુહિબ' તારી અને
દિલરુબા છે દિલરુબાના હાથમાં.



'પતીલ'

૭૯ : ખપના દિલાસા શા ?


જતાં મદફન તરફ ઘરથી બજવવા ઢોલતાસા શા?
બજવવા ઢોલતાસા શા? ઊજવવા આ તમાશા શા?
 
થતાં પહેલાં ઝભે મુજને હતું ના કોઈ ઓળખતું,
કબર આગળ હવે મારી ફૂલો, સાકર, પતાસાં શાં?

ગયો રમનાર વેચાઈ સદાની બેનસીબીને;
પછીથી નાખવા તેની ઉપર શતરંજપાસા શા?

બીજાને કાજ તે એકે હતો હરગિઝ મુકાયો ના−
કહો, પોતાની હાલત પર પછી મૂકવા નિસાસા શા?
 
દમે આખર પતલિયાને કહો છો શું તમે આવી?
ન આપ્યો પ્રેમ તો મુજને–હવે ખપના દિલાસા શા?

ગ. ૮