પૃષ્ઠ:Gulabsinh.pdf/૩૨૬

વિકિસ્રોતમાંથી
દિશાશોધન પર જાઓ શોધ પર જાઓ
આ પાનું પ્રમાણિત થઈ ગયું છે.
૩૧૬
ગુલાબસિંહ.

"એમાંજ મુશ્કેલી છે. આ ગોપલી; રંડા” --હું એને કદાપિ મળ્યો જ ન હોત તોજ સારું હતું-– મારા આત્માને ઈંન્દ્રિયોના વેગને વશ ન થવા દીધો હોત તો જ સારું હતું; નિરક્ષર, ઉગ્ર, અને ધોરણરહિત, એવી સ્ત્રીનો પ્રેમ સ્વર્ગનું દર્શન કરાવીને નરકમાં લેઈ જાય છે. બધી દુનિયાની અદેખાઈ એ રાંડની આંખમાં ભરેલી છે. અમારી સાથે કોઈ સ્ત્રી આવે તે એનાથી ખમાતું નથી; ને તેમાં વળી માની કાંતિ દેખે એટલે તો બાકીજ રહે નહિ.એનો મીજાજ જાય છે ત્યારે એ શું કરે તે કહેવાતું નથી.”

"હું સારી પેઠે જાણું છું; એવી સ્ત્રીઓ કેવી હોય છે તેનો મને પૂર્ણ અનુભવ છે. ”

“તે વાત મારે સાંભળવી નથી; આવી સ્થિતિમાં તું શો રસ્તે બતાવે છે ?”

“ તારી ગોપીને પછવાડે રહેવા દે."

“ નહિ, એમ તો ના બને, એક વાર મેં એને એવો દગો દીધો છે; ગમે તેવી છે તો પણ એણે મારા પ્રેમનો આશ્રય કર્યો છે, એટલે એવી રીતે એને આ સ્થાનમાં મૂકીને તો ને જાઉં.”

“તેં એક વાર તો એને તજી દીધી હતી ?”

“હા, પણ ત્યાં આવું ભય ન હતું, ને વળી એનો પ્રેમ આવો ગાઢ છે એમ મારા જાણવામાં ન હતું. મેં એની પાસે પૈસા મૂક્યા હતા, અને હું એમ ધારતો હતો કે એથી એને સંતોષ થશે. પણ તે પછી તો અમે બન્ને સાથે જ ઘણાં દુઃખ વેઠ્યાં, ઘણીક આપત્તિ વેઠી. મારા ઉપર પ્રેમ ન હોત તો જે ભયમાં એ આવી ન પડત તેવા ભયમાં હવે એને એકલી મૂકી જવી એ તો ન બને, – અશક્યજ. મને એમ સૂજે છે કે તું એને તારી, બેહેન, કે સગી, કે ભલું કરનારી, કે ઓળખીતી, એવી કોઈ ઠરાવી, અને મારી પાસેથી એમ માગી લે કે એને પણ હું બચાવવા ઇચ્છું છું. દિલ્હી છોડીને જતા સુધી આપણે આ મારી ગોપિકાને એમ નહિ સમજાવી શકીએ ? કે મા સાથે મારે કશી લેવા દેવા નથી; માત્ર તારી ખાતરજ તેને સાથે લીધી છે.”

“સારી યુક્તિ છે; એમ થઈ શકશે.”

“હું મારી પ્રિયાની ઇચ્છાને આધીન થઈ, જેની તે ઇર્ષ્યા કરે છે તેને