આ પાનાનું પ્રુફરીડિંગ થઈ ગયું છે
૧૦
જયા-જયન્ત
- આત્મનો વિકાસ પ્રેમ, જીવનપ્રકાશ પ્રેમ,
- પ્રેમ-પ્રેમ, સર્વ પ્રેમ:, પ્રેમનો આ પારાવાર;
- પરમ પ્રેમ પરબ્રહ્મ.
- અમારે યોગીઓને જોવાનું છે એક જ,
- જગત ઉંચું ચ્હડે છે કે નીચું ?
- હિમાદ્રિનો એક ચ્હડાવ ચ્હડે છે
- દૈત્યોને જીતીને આવતો કુમાર;
- દેવગિરિનો બીજો ચ્હડાવ ચ્હડે છે
- કુમારને વધાવવા આવતી રાજકુમારી;
- નર ને નાર-જગત ઉંચે ચ્હડે છે.
- 'દેવોનાં ધામ એ, વિભુના વિશ્રામ એ.'
દેવર્ષિ : उर्ध्व गच्छन्ति सत्त्वस्था, मध्ये तिष्टन्ति राजसा :
- जघन्यगुणवृत्तिस्या अधो गच्छन्ति तामसा :
- ચ્હડો ઉન્નત ને ઉન્નત, દેવસન્તાનો !
- બ્રહ્મસિંહાસનના પાયા સૂધી.
- સંચરો, એ જ છે દેવયાન માર્ગ,
- મહર્ષિઓનો પુણ્યપુરાણ પન્થ.
- -પધારી જગતની આ મહાસંન્યાસિની,
- નરલોકની નૈષ્ઠિક બ્રહ્મચારિણી.