આ પાનાનું પ્રુફરીડિંગ થઈ ગયું છે
૧૧૯
જયા-જયન્ત
તેજબા : પ્રભુનાં જગત છે
- તો પ્રભુનાં જન લાધશે ત્હેમાં.
- બ્રહ્મર્ષિના આશ્રમ સૂના નથી.
- ચાલો પેલે ઉંચે મન્દિરે દર્શને.
- એકાન્ત છે, ત્ય્હાં શાન્તિ હશે.
તીર્થગોર: अन्य क्षेत्रे कृतं पापं
- तीर्थक्षेत्रे विनष्यति.
તેજબા: જય સચ્ચિદાનન્દ, ગુરુદેવ !
તીર્થગોર: સચ્ચિદાનન્દ, માઇ !
- સત્, ચિત્, આનન્દ.
- આવો, ને આનન્દ કરે
શેવતી: પિયુ ! પ્રેમનું પ્રભાત,
- પિયુ ! પ્રેમનું પ્રભાત,
- પ્રગટ્યા પ્રકાશ પરમ સ્નેહના જો !
- પિયુ ! પ્રેમનું પ્રભાત,
- પિયુ ! ઉતરી એ રાત,
- પિયુ ! ઉતરી એ રાત,
- સૂરજો તપે છે દિલે-દેહમાં જો !
- અમે આશાને આંગણે ઉભાં હતાં;
- અમે ભાવિના આભમાં જોતાં હતાં;