આ પાનાનું પ્રુફરીડિંગ થઈ ગયું છે
૧૨૩
જયા-જયન્ત
અંક ત્રીજો
☘
બ્રહ્મચારીઓનું ગીત:
વનવનના અન્ધારાં વામશે, હો ! આવશે એવાં કો આભનાં તેજ; હો ! સન્તજી ! એવાં કો દેવનાં તેજ.
જેવો વિશ્વપ્રકાશી વ્યોમ વિકસે પ્રાતઃસમેનો રવિ, જેવો રાત્રિ સુહાવી ચન્દ્ર ચમકે પીયૂષનો રાજવી, જેવાં એ કિરણો અનસ્ત ધ્રુવનાં આવન્ત મિષોન્મિષે, એવાં વર્ચસ્ બ્રહ્મનાં ઉતરશે, અન્ધાર ઉજાળશે.
જગજગનાં અન્ધારાં વામશે,
- હો ! આવશે એવાં કો દેવનાં તેજ;
ઉરઉરનાં અન્ધારાં વામશે,
- હો ! આવશે એવાં કો બ્રહ્મનાં તેજ;
- હો ! સન્તજી ! એવાં કો બ્રહ્મનાં તેજ.