આ પાનાનું પ્રુફરીડિંગ થઈ ગયું છે
૧૨૭
જયા-જયન્ત
- સેવાનાં ફાળ ફળશે ત્હમારાં
- જાવ, પૂર્ણિમા ઉગશે પૃથ્વી ઉપર
- કે પૂર્ણિમાના ચન્દ્ર સમોવડ
- સોળે પાંખડીએ પ્રકાશતો યુવરાજ
- અજવાળશે રાજમહેલને
- દેવ પ્રગટશે પ્રાસાદમાં રમવા.
- આજ મ્હારા યે સળકે છે
- ઉરના મહાસાગર:
- જાણે ક્ષિતિજ પાછળ
- ચન્દ્ર ઉગતો હોય ને !
કાશીરાજ : (ઉઠી અંજલિ કરી રહીને)
- મહાત્માનાં આશીર્વચન પામ્યો,
- કાશીનો-મ્હારો ભાગ્યોદય વાંચ્યો
- એ પૂર્ણિમા પ્રગટશે પૃથ્વી ઉપર
- બ્રહ્મર્ષિનાં બ્રહ્મવચનથી.
એક બ્રહ્મચારી :
- चित्तवृत्तिनिरोधः योगः
- એ ભગવાન પતંજલિનું વેણ;
- चंचलं हि मनः कृष्ण ।
- प्रमाथी बलवत् द्ढम् ।
- तस्याहं निग्रहं मन्ये
- वायोरिव सुदुश्करम् ॥