આ પાનાનું પ્રુફરીડિંગ થઈ ગયું છે
૧૩૯
જયા-જયન્ત
- મુક્તોની મુક્તિપુરી.
- નાડીઓનાં લોહી હૈયામાં વહે,
- તે શુદ્ધ થઈ નાડીઓમાં પાછાં ઘૂમે;
- વારાણસી હૈયું છે વિશ્વનું,
- આવ્યાંને પાવન કરી પાઠવનારૂં.
- આપણને ય પાવન કરશે
- હરિકુંજના બ્રહ્મજ્યોત તે બ્રહ્મર્ષિ.
રાજરાણી: મ્હારા ઉરમાં ઉગે છે કે
- પાપ પ્રજળશે, ને પુણ્ય પાંગરશે,
દાસી: તારો, તારો, કોઈ ઉગારો,
- હરિજન કો ઉદ્ધારો.
- બળું છું, સળગું છું સદાની
- દેહ અને દેહીની મહાઝાળમાં.
- મુખડે ચુંબન દીધાં જ્ય્હાં જ્ય્હાં,
- ત્ય્હાં ત્ય્હાં ઉઠે છે અંગારાઓ.
- ઉરથી ઉર ચાંપ્યાં,
- એ ઉરમાંથી પ્રગટ્યા છે દાવાનળ.
- અંગેઅંગ ભીડ્યાં આલીંગનમાં,
- ત્ય્હાં ભભૂકે છે ભડકાઓ.
- ભમ્મરોમાં ભમરા ડંખે છે,
