આ પાનાનું પ્રુફરીડિંગ થઈ ગયું છે
૧૪૨
જયા-જયન્ત
જયા : દિલમાં મ્હારે લ્હાય, દુનિયાં ત્હેમાં પરજળે
- એ અગ્નિ હોલાય એવું જયન્ત ! વર્ષજે.
જયન્ત : વીતી વિતકની વધાઈઓ,
જયા : દેવોના દેવની દુહાઈઓ;
જયન્ત : હો જયા ! વીતી વિતકની વધાઈઓ.
- ઉગ્યાં દુઃખના ઝાડ, એ પાને પાને પ્રેમ છે;
- પડ્યા વિતકના પ્હાડ, એ પત્થર પત્થરમાં પ્રભુ.
- વીતી વિતકની વધાઈઓ,
જયા : દેવોના દેવની દુહાઈઓ;
જયન્ત : હો જયા ! વીતી વિતકની વધઆઈઓ.
જયા : સારાંને પ્રભુ સંભાળે છે,
- દેવને દુ:ખ ન વીતે.
- જયન્ત ! તું દેવ છે દુનિયામાં.
જયન્ત : હા, સોયની અણીએ હું ઉગર્યો;
- જયા ! ત્હને બાણ વાગ્યાં જીવનવેધી.
- પોતાનાં કરવાં હોય.
- ત્હેમની જ કસોટી કરે છે પ્રભુ.
- મ્હારા ઉપર ઓછો અનુગ્રહ એટલો,
- ને તેથી ઓછા તપમાં તાવ્યો.
- તું તો હરિની લાડિલી, જયા !
- ત્હારી પુણ્યપરીક્ષા તેથી સંપૂર્ણ.