આ પાનાનું પ્રુફરીડિંગ થઈ ગયું છે
૧૪૮
જયા-જયન્ત
- ને હું વિચરીશ સાગરયાત્રાએ.
- પણ જયા ! તું દેવ કે દાનવ ?
- મ્હારી તો તું દેવી છે.
- (જયા આંબા ઉપથી કૂદી નીચે ઉતરે છે. અંજલિ કરી રહીને.)
જયા : હું તો છું માનવી
- शिष्यस्तेहं शाधि मा त्वां प्रपन्नम्
જયન્ત : (આંબા ઉપરથી ઉતરીને)
- જયા ! પશુથી એ માનવી પામર ?
- મોરે જીત્યો, ને ઢેલે જીત્યો,
- તે કામને નહીં જીતે માનવી ?
- પ્રેમ ત્ય્હાં ન હોય કામવાસના:
- પ્રેમમાં નથી દેહની વાંછના.
- 'જ્ય્હાં જ્ય્હાં આત્મા, ત્ય્હાં ત્ય્હાં શરીર';
- નથી એવું કાંઈ બ્રહ્માંડમીમાંસાનું ન્યાયસૂત્ર.
- આગ્રહ છે, ઉદ્યમ છે, ઉત્સાહ છે,
- ત્ય્હાં શું છે અજીત અવનીમાં ?
જયા : પણ કામે યે જગજ્જેતા છે.
જયન્ત : છતાં એક છે દુર્ગ અજીત
- એ જગજ્જેતાથી યે જયા !
- કામે નથી જીત્યો પ્રેમનો ગઢ.
- એ પ્રેમના પાઠ પઢાવ.
- તું જીતી, જીતતાં શીખવ.