આ પાનાનું પ્રુફરીડિંગ થઈ ગયું છે
૧૫
જયા-જયન્ત
- જય તો વશ જ હતો ને
- ત્હારા વિશ્વજેતા ધનુષ્યને ?
જયન્ત: જયા ! ત્હારી શુભાશિષો
- સદા સફળ જ ઉતરે છે.
- સ્વર્ગે સંચરતાં સુરગંગાને તીર
- વિષ્ણુ દેવનાં દર્શન થયાં વાટમાં.
- પ્રસન્ન્ન થયા, પુત્રને શિષ્ય કીધો;
- ને વરદાન દીધું ભગવાને કે
- 'ધાર્યા પાડીશ તું નીશાન.'
- પછી મ્હારા ચાપનો ટંકાર,
- ને દેવાધિદેવનાં કલ્યાણવચન;
- એ બે પાંખે જય ઉડતો આવ્યો.
જયા : અમરાપુરી ઉગારી,
- એમ ઉગારજે સહુને ય તે.
- બીજા શા આશીર્વાદ આણ્યા છે ?
જયન્ત :સુરેન્દ્રે પટ્ટાભિષેક કર્યો, ને કીધું,
- 'મ્હારા યુવરાજ જેટલો પ્રિય છે
- ગિરિકુમાર ! તું મ્હને;
- તહારૂં યે નામ જયન્ત હો !
- જા, જીતીશ જે લક્ષીશ તે.'
- દેવાંગનાઓએ પારિજાતે વધાવ્યો,
- સુરરાણીએ મુગટ અર્પ્યો
- અખંડ સૌભાગ્યનો, ને ભાખ્યું,