આ પાનાનું પ્રુફરીડિંગ થઈ ગયું છે
૧૫૦
જયા-જયન્ત
- ત્હારા સત્કર્મની સુવાસ
- ફોરશે સારૂં જગત ભરી.
- સ્નેહ સંગે વૈરાગ્ય વસાવજે.
- અક્ષયવ્રતિની તો રહીશ તું નિર્ભય.
- જયા ! માંડ ત્હારો આશ્રમ,
- ને જીતી તેમ જીતાડ સહુને
- ગા ત્હારૂં જગતના જયનું ગીત.
- (જયા જગતના જયનું ગીત ગાય છે)
જયા : અહો ! જોગી તણા જયકાર
- બધું બ્રહ્માંડ ભરે;
- હરિના ધ્વજને ધરનાર
- જગે જયયાત્રા કરે
- યુદ્ધ જીત્યો રણસ્થંભ જીત્યો જેહ,
- લોહ જીત્યો જેણે ક્રોધને જીત્યો;
- લક્ષ્મી જીત્યો જેણે લોભ જીત્યો;
- કંઈ દુઃખ જીત્યો જેણે શોકને જીત્યો;
- ઇન્દ્ર જીત્યો જેણે યજ્ઞ જીત્યો,
- અહીં મોક્ષ જીત્યો જેણે આનન્દ જીત્યો;
- વિશ્વ જીત્યો જેણે કામ જીત્યો;
- અને બ્રહ્મ જીત્યો જેણે આતમ જીત્યો.
- યુદ્ધ જીત્યો રણસ્થંભ જીત્યો જેહ,
- હરિના ધ્વજને ધરનાર
- જગે જયયાત્રા કરે;
- અહો ! જોગી તણા જયકાર
- બધું બ્રહ્માંડ ભરે
- હરિના ધ્વજને ધરનાર
