આ પાનાનું પ્રુફરીડિંગ થઈ ગયું છે
૧૫૭
જયા-જયન્ત
કાવ્યરત્ન : સૂરજમાળથી સૂર્ય સુશોભિત,
- સૂર્યથી સૂરજમાળ સોહાવે;
- દેહ જીવે જ્યમ દેહી થકી,
- અને દેહીનો દેહ કલાપ દીપાવે;
- બ્રહ્મ થકી બ્રહ્માંડ પ્રકાશિત,
- બ્રહ્માંડથી બ્રહ્મ વ્યક્ત કહાવેઃ
- તેમ પ્રજાજન રાજનને, અને
- રાજ પ્રજાજનને બહલાવે.
કલાધર : ત્હમારો કુલયશ તો, રાજેન્દ્ર !
- ગગને ચ્હડી મેઘ પોકારે છે
- વિશ્વનું વાતાવરણ ભરી ભરી.
- ઘન ગગન ચ્હડી કરે ઘોર શોર;
- ભણે તુજ કુલયશના જોર-દોર;
- ઘન ગગન ચ્હડી કરે ઘોર શોર.
- નિરખો ઉજાસ, નૃપ ! ભયો ભોર;
- વનવન ગરજે, નૃપ ! મોર મોર;
- ઝીણી જલઝકોર
- ઉગતે પહોર
- ભણે બિરદ ઓર
- નૃપ ! ઠોર ઠોરઃ
- ભણે બિરદ ઓર
- ઉગતે પહોર
- ઘન ગગન ચ્હડી કરે ઘોર શોર.
