આ પાનાનું પ્રુફરીડિંગ થઈ ગયું છે
૧૬૨
જયા-જયન્ત
ઉર્વશી : વૃક્ષઘટામાં વેરાઇ બેસીએ;
- હશે તે ઉગશે હમણાં.
બ્રહ્મબાલા : (સ્વગત)
- મ્હારા સ્વસ્તિક તો પૂરાઇ રહ્યા.
ગિરિરાજ : पाहि माम् पाहि माम्, બ્રહ્મર્ષિ !
- પૂર્વાશ્રમમાં ખોટાં આળ ચ્હડાવ્યાં,
- કુલ તજાવ્યું, નગર છોડાવ્યું,
- રાજ્યપાર કીધા, અરણ્યવાસ દીધા,
- કીયે ભવે છૂટીશું અમે
- રાજસત્તાના એ વિધર્મો ?
રાજરાણી : આડકોટ અદીઠ કરવા
- દેશવટો દેવરાવ્યો ત્હમને;
- પ્રભુ માફ કરશે અમને એ?
- મુજ સમી માતાઓનાં વાવ્યાં લણતી
- રડે છે રાજમહેલમાં કંઇક રાજબાલાઓ,
- કે માણે છે પશુતાના પાપવિલાસ.
- રાજવીને નહીં પણ રાજસિંહાસનને
- કુંવરીઓ પરણાવે છે કંઇક રાજમાતાઓ.
જયન્ત : પશ્ચાતાપનાં પ્રાયશ્ચિતથી
- પાપ બળી પુણ્ય જન્મે છે.
- ત્હમે ય તપ ઓછાં નથી કીધાં.
