આ પાનાનું પ્રુફરીડિંગ થઈ ગયું છે
૧૬૭
જયા-જયન્ત
- અહો ! આ તો જયા ને જયન્ત !
- મ્હારાં આત્મસન્તાનો !
- કલ્યાણ થાવ સહુનું.
- આજ શો ઉત્સવ - અહા! સ્હમજ્યો.
- જયા જગત જીતી,
- ને જગજ્જયિની બ્રહ્મચારિણીઓ કાજે
- બાંધે છે બ્રહ્મમઠ આ બ્રહ્મવનમાં.
ગિરિરાજ : આપનું વેણ ઉથાપવા મથ્યું અમે;
- પણ વિધિ યે ન ઉથાપી શક્યો
- બ્રહ્મમૂર્તિનું એ બ્રહ્મવાક્ય.
- જયાની દેહ ન વટલાઇ.
રાજરાણી : જયન્તને ન પરણાવી,
- તો જોગણ થઈ મ્હારી કુમારી.
દેવર્ષિ : द्वा सुपर्णा सयुजा सूखाया
- समानं वृक्षं परिपस्वजाते,
- એ મન્ત્ર આજ સિદ્ધ થયો.
- બે કાંઠે બે આશ્રમ,
- પૃથ્વીને પાળતી બે પ્રભુપાંખો જેવા;
- ને વચમાં પુણ્યજલવન્તી જાહ્નવીઃ
- બે હાથ વચ્ચે જગતનું જાણે હૈયું.