આ પાનાનું પ્રુફરીડિંગ થઈ ગયું છે
૩૯
જયા-જયન્ત
- હૈયાને પીંજરે ય તે.
- જાવ, હંસી રાણી ! પોતાને દેશ.
- જયા ! હતાં ત્હેવાં રહ્યાં
- હાથ ને હૈયાં.
જયા : રંકને લાધ્યાં રતન,
- ત્હેમને ક્યહાંથી આવડે જતન?
- જલધિનાં મહાજલને પૂર
- ઉડી પડ્યાં આપણાં જવાહીર.
- ડૂબ્યાં આપણાં રત્નો મહાસાગરમાં.
જયન્ત : ગા ત્હારૂં ગીત, જયા !
- ને ફરીથી ન્હોતર ત્હારા ચોકમાં
- એ રાજહંસોની જમાતને.
- રજની નથી ઉતરી કાંઇ,
- દિનનો દિનમણિ તપે છે હજી;
- આવશે એ જગતના શિખરવાસી.
- જમાવ એ વધૂતના અખાડા.
જયા : ક્ય્હાં કાંઇ આવે છે કોઇ ?
- આવવું હોય તો જાય શા માટે ?
જયન્ત : ત્હેં ઉડાડ્યાં ત્ય્હારે ગયાં, જયા !
