આ પાનાનું પ્રુફરીડિંગ થઈ ગયું છે
૪૩
જયા-જયન્ત
- પ્રગટાવે છે કિરણો એ ટહુકાર.
- બોલે ! ત્હારા કંઠમાં જ છે ઝરણ
- વિશ્વના સમસ્ત શબ્દમાધુર્યનું.
- શી કૌમારની છે કુમાશ
- એની સૌન્દર્યની ઓઢણીમાં !
- શાં ત્હારી દેહલતાનાં નૃત્ય !
- આ પુષ્પલતાઓને યે લજાવે !
- અપ્સરાઓ સહુ શિષ્યાઓ હશે ત્હારી.
- બોલે ! કોના સદ્ભાગ્યની
- તું છે કલ્યાણવિધાત્રી?
શેવતી : આઘે આઘે છે મઢૂલી જોગીની મ્હારા,
- પાસે છે ફૂલડાંની વાડી રે;
- સાધીશું જોગ સ્નેહગંગાને કાંઠડે,
- વીણીશું ફૂલ દ્હાડી દ્હાડી;
- હો ! વીણો એવાં ફૂલડાં સખિ !
કાશીરાજ : દિલ દોડી ગયું , ને દેહ રહી;
- આવશે તે ય તુજ પૂજનાર્થે, સુન્દરી !
- ઝળહળે છે ત્હારી સૌન્દર્યજ્યોતિ,
- ઉડે છે ત્હાં આ પ્રાણનું પતંગ.
- ધીરી થાવ, પાંખો ! ધીરી;
- દાઝશો કે દઝાડશો મા.
શેવતી : આઘે-આઘે, પણ કેટલેક ?
- જન્માક્ષર કહે છે ગંગાને કાંઠડે.