આ પાનાનું પ્રુફરીડિંગ થઈ ગયું છે
૪૮
જયા-જયન્ત
શેવતી : આતિથ્ય લઈ આતિથ્ય ન વાળ્યાં
- એ પુરાણકીર્તિ દુષ્યન્તરાજ.
કાશીરાજ : એ તો શાપના વિસ્મરણ.
- ત્હમારી તો બ્રહ્મભાલે !
- આશીર્વાદની સ્મૃતિઓ,
- અસ્તિત્વના થાળમાં જડેલી.
શેવતી : તો ત્હમારાં જ છે, રાજેન્દ્ર !
- પ્રાણનાં મન્દિર ને દેહના મહેલ
- નવલખ તારાઓની સાખે.
કાશીરાજ : બ્રહ્મબાલે ! ઉભો છે વિરાટ
- કોટી નયને નિરખતો આપણો કોલ.
- કોયલ સાક્ષી, ને ફૂલડાં છે સાક્ષી.
- ફૂલડાં ફોરશે ને કોયલ ટહુકશે,
- ત્ય્હાં સૂધી આપણે ય બે
- ટહુકશું ને ફોરશું
- રસની અમૃતકુંજોમાં.
- ચાલો, ચાલો, સલૂણી ! રસકુંજમાં.
શેવતી : ચાલો, ચતુર સુજાણ !
કાશીરાજ : ઉગ્યા નયનોમાં ભાણુ;