આ પાનાનું પ્રુફરીડિંગ થઈ ગયું છે
૫૯
જયા-જયન્ત
- કોઈ કહેશો ? હો રાજ !
- કોઈ કહેશો ? હો રાજ !
- આયુષ્યે અજવાળિયાં ક્ય્હાં સૂધી?
- ચન્દ્રમા જી રે ઉગ્યો છે ભગવે ભેખ જો!
- યોગી-વિયોગી શે ચન્દ્રમા જી રે;
- ચન્દ્ર જીરે ઉગ્યો સખિ ! આજ મ્હારા ચોકમાં,
- આશા-નિરાશાનો ચન્દ્રમા જી રે.
- કહેશો કેમ શણગાર્યો છે
- આજે વસન્તચોક?
પહેલી દાસી: વાહ રે જાણ્યાં અજાણ્યાં જયાબા !
- શણગારાઈને આવ્યાં છો સલૂણાં,
- ને પૂછો છો પરાયાં થઈ.
જયા : ચુપ, સરખો ઉત્તર દ્યો.
- બાણ જેવાં વીંધે છે
- તેજ કિરણો યે આજ મ્હારા દેહને.
બીજી દાસી : સારા ગિરિદેશે પાળ્યો છે આ ઉત્સવ;
- જયા કુમારી પરણશે આજ કાશીરાજને.
જયા : જીભ જ જુઠ્ઠી છે બોલનારની
- દેવગિરિની રાજકુમારિકા