પૃષ્ઠ:Jaya-Jayant-Nahanalal Dalpatram Kavi.pdf/૮૦

વિકિસ્રોતમાંથી
આ પાનાનું પ્રુફરીડિંગ થઈ ગયું છે
૮૦
જયા-જયન્ત
 


ધારણ કરો કામભૂષણો.
અમે આવિયે છીએ દેવી સંગાથે.
(વામીઓનાં સહુ જોડાં રમતાં રમતાં સીધાવે છે.)

દેવી : પુણ્ય ? નીતિ ? સદાચાર ?

છે કોઈ માનવી માનવલોકમાં
મનમાં યે ન ઇચ્છયાં હોય
પાપ કે અનાચાર જેણે ?
દીઠો હોય તો દાખવો.
જન્મ્યો છે કો સદાચરણી સર્વ કાલમાં
ફરકી યે ન હોય જેના આત્માની પાંદડી
કદી યે અનીતિના અનિલથી ?
શીલનાં તો વસ્ત્રો જ છે સૌનાં,
શયતાનનાં છે શરીર.
જયા કુમારી ! આવો અમારા રંગમેહલમાં,
ને ભોગવો દેવોના ઉપભોગ.
જેટલી રાત્રિઓ છે, એટલા છે રસિયા.

જયા : જેવો આહાર, એવો ઉદ્‍ગાર.

હિંસાના અગ્નિમાં હિમ ક્ય્હાંથી ?

આચાર્ય : કુમારી ! जीवो जीवस्य जीवनम् ।

હિંસા તો જીવનક્રમ છે.
પાણીનો એક ઘૂંટડો પીતાં