પૃષ્ઠ:Jaya-Jayant-Nahanalal Dalpatram Kavi.pdf/૯૨

૯૨

જયા-જયન્ત

 

---

પ્રવેશ ત્રીજો

ꕥ

સ્થલકાલ : શેવતીની ફૂલવાડીમાં સ્‍હવાર ઉપવનનાં ઊંડાણમાંથી બંસી વાગે છે. પછી ગાતી ગાતી શેવતી આવે છે.

શેવતી : ગોરસ લેઈ લેઈ પીજો,

હો ! ગોપિકાની ગોરસી ભરેલી.

વદને છે હેમજ્યોત,

નયને છે પ્રેમજ્યોત;

આત્મામાં અમૃતની હેલી :

હો ! ગોપિકાની ગોરસી ભરેલી.

(પાછળ કાશીરાજ આવે છે.)

હૃદયાની આશ એક,

રસિયાની રાસ એક;

પ્રેમીની પ્યાસ ના છીપેલીઃ

હો ! ગોપિકાની ગોરસી ભરેલી