આ પાનું પ્રમાણિત થઈ ગયું છે.
નથુ પીંજારો
[૩૧]
નથુકાકાને કામનો પાર નહિ ને દિ'ને દુકાળ.
પણ નથુકાકા જીભના મીઠા અને કામે ઉતાવળા.
'કાલ્ય આવીશ, કાલ્ય આવીશ ' એમ કહેતા જાય
અને એમ કરતાં એક સવારે આવીને ઊભા પણ રહે.
એક દિ' નથુકાકા આવ્યા ને આંગણામાં આવી ઊભા રહ્યા. 'એ આવ્યો છું બેન, ગાદલાં, ગોદડાં, ઓશીકાં જે ભરાવવું હોય ઈ ભરાવી લ્યો. ઘરેય નથી જાવું ને બારેય નથી જાવું. રમજુડાની મા ગઈ છે બહારગામ. બે ત્રણ દિ' હાથોહાથ છે. આ અહીં જ બપોર કરી લઈશ ને પાછો કામે વળગીશ.”
બાપા કહેશે: 'એલા નથુ, ડાહ્યો તો ખરો. આવું કરે તો અમને બહુ ગમે.'
બાપા કહેશે: 'એ ચાલો ક્યાં ગયા? હવે જ પીંજાવવું હોય, ભરાવવું હોય, ઈભરાવેા. એાલીએારડી ખાલી કરો ને ઈ નથુભાઈને સોંપી દ્યો.'
નથુ એારડીમાં તાંત ઉતારે. માથે બંધણું મૂકે ને જુનાં ગાદલાં ઉખેડવા માંડે.
