આ પાનાનું પ્રુફરીડિંગ થઈ ગયું છે
ન અન્ય મુખની હવે કરીશ નાથ! હું પ્રાર્થના,
મ્હને વદન એ જ દે જિગર સાથ આ ચાલવા.
૧૫-૩-૧૮૯૭
એ સ્થલ
હૈયું આ ત્યાંનું ત્યાં ચોંટ્યું:
ત્યાનું ત્યાં બોટાયું બોટ્યું:
લોટ્યું પુષ્પે ત્યાં સાથી તે
મુખડું ત્યાંનું ત્યાં.
ત્યાં તો હાવાં નહિ જાવાનું:
પ્રેમપૂરમાં ના ન્હાવાનું:
રોતાં અન્ત સુધી ગાવાનું
'એ સૌ ત્યાંનું ત્યાં !'
૧૮-૩-૧૮૯૭
મ્હારૂં ભાવિ
ભાવિ કાંઈ એ ના મ્હારે;
કાંઈ એ રોવું ના ઠરે;
આંખ અગાડી જોતાં હારે;
તાજું શું છે કૈં?
ભાવિ ભૂત તણા ભણકારા:
એની એ આંસુની ધારા:
એના એ દુઃખડાના વારા:
શું છે તાજું કૈં?
૨૩-૩-૧૮૯૭
કલાપીનો કેકારવ/૩૨૬
